?iirler Такъдирге

Нас посетили

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterСегодня78
mod_vvisit_counterВчера583
mod_vvisit_counterНа этой неделе2882
mod_vvisit_counterНа предыдущей неделе9547
mod_vvisit_counterЗа месяц14845
mod_vvisit_counterЗа прошлый месяц35638
mod_vvisit_counterВсего724155

Такъдирге

There are no translations available.

Джаш къызларны дёрт дуваргъа къапап къойгъан

Тек факъырнынъ къысметини ашап тойгъан –

Сенсинъ, залым, козюнъ чыкъсын!..

Мезарынъны селлер джыкъсын!..

Тувар-тувмаз сабийлерни алып кеткен,

Коп анайнынъ джаш башына келип джеткен –

Сенсинъ, онъмаз, онъма, битме!

Оттан башкъа джерге кетме!

Гъарип халкънынъ бостанына джавдырмагъан,

Бизнинъ якъкъа булутларны авдырмагъан

Сенсинъ саран, къурсын къолунъ!

Бильмий къал эм сагъынъ, солунъ...

Бирев, бираз къарувланып, котерильсе...

Бираз кунеш табып факъыр шай керильсе...

Сенсинъ, кунни къырслап къачкъан...

Тюрлю бурчакъ, джашын сачкъан!

«Такъдир булай!..» деп анайлар куйген вакъыт,

Джылавындан ташнынъ конълю ийген вакъыт,

Сен, къурула, чубугъынъны ичесинъ.

Джырлай, джырлай, яс урбасын пичесинъ...

Къач керелер джолларыма чукъур къаздынъ!...

Къач керелер манълайыма яслар яздынъ!...

Кене узьдим тузагъынънынъ зынджырларын...

Тез атладым шайтанлыгъынъ чукъырларын...

Емин эттим, такъдир, сенмен чарпышмагъа...

Ольгенгеджек къолларынъа япышмагъа...

Джолларынъда меним коксюм сед къураджакъ...

Козюм даим артынъдан шай джувураджакъ...

Ах гошесем чал сакъалынъ бир джолума!...

Кечсе бир кунь къалын мойнунъ, ах, къолума!...

Будапешт,

1917 с. сентябрь 16